ខេត្តត្បូងឃ្មុំ ៖ ជនសង្ស័យម្នាក់ ឈ្មោះគីម សម្បតិ្ត
ហៅពៅ ភេទប្រុស អាយុ៣០ឆ្នាំ នៅភូមិតាង៉ូវ សង្កាត់និរោធ ខណ្ឌច្បារអំពៅ
រាជធានីភ្នំពេញ ត្រូវសមត្ថកិច្ច ដេញប៉ផាប់ចាប់ពភីង ចាប់ខ្លួនបាន
បន្ទាប់ពីជននេះ យកកាំភ្លើងខ្លីK59 ទៅគំរាមភ្ជង់ក្បាលគេ ក្នុងពេលផឹកស៊ី ។
ប្រតិបត្តិការនេះធ្វើឡើង កាលពីវេលាម៉ោង៥ល្ងាច
ថ្ងៃទី២០ តុលា ២០១៤ នៅភូមិប្រផាត់ ឃុំរកាពប្រាំ ស្រុកត្បូងឃ្មុំ
ដោយដកហូតបាន ទាំងកាំភ្លើងខ្លីជាវត្ថុតាង ជាប់ចោទប្រើប្រាស់ អាវុធខុសច្បាប់
និងធ្លាយរឿង បាញ់គេស្លាប់ នៅក្នុងក្លិបរាជធានីភ្នំពេញផងដែរ ។
លោកឡុង សារិន អធិការរងនគរបាល ស្រុកត្បូងឃ្មុំ
ប្រាប់ឲ្យដឹងថា នៅពេលរសៀល ថ្ងៃខាងលើ ជនសង្ស័យរូបនេះ បានអង្គុយផឹកស៊ី
ជាមួយមិត្តភក្តិជាច្រើននាក់ នៅភូមិឈូកសណ្តល់ ឃុំរកាពប្រាំ ហើយក៏មានទំនាស់
ពាក្យសំដីកើតឡើង ពេលនោះជនសង្ស័យ បានទាញកាំភ្លើង ពីចង្កេះទៅភ្ជង់ឈ្មោះ យ៉ាន
ពីរ ភេទប្រុស អាយុ២៣ឆ្នាំ ធ្វើឲ្យម្នាក់ៗនៅក្បែរនោះ ស្ទើរាកនោម ដោយការគំរាម
រកបាញ់សម្លាប់ ។
បន្ទាប់មកជនសង្ស័យ ក៏បានជិះម៉ូតូ
គេចចេញពីកន្លែងផឹកនោះ ឆ្ពោះទៅផ្ទះប្រពន្ធចុង នៅភូមិប្រផាត់ ដែលមានចំងាយ
ពីកន្លែងផឹក ប្រហែលជា២គីឡូម៉ែត្រ រហូតដល់វេលាម៉ោង៥ល្ងាច ថ្ងៃដដែល
ជននេះត្រូវបានសមត្ថកិច្ចចាប់ខ្លួន៕
កាំភ្លើងខ្លីដែលដកហូតពីជនសង្ស័យ
ប្រភព ៖ ខ្មែរឡូត
