ប៉ូលិសឥណ្ឌូណេស៊ីម្នាក់មកពីទីក្រុង Manado ខេត្ត North Sulawesi បានដើរលំហែនៅមាត់សមុទ្រ
ដោយប្រទះឃើញសាកសពត្រីដ៏កម្រ
និងសេសសល់ពីសម័យបុរេប្រវត្តិមួយក្បាលកាលពីសប្ដាហ៍មុន។
លោក Jeffry Nggala និយាយថា “ខ្ញុំបានឃើញសត្វនេះមើលទៅហាក់ដូចជាត្រីឆ្លាមបុរាណកំពុងដេកសន្ធឹងលើឆ្នេរ
Kalasey នៃសមុទ្រ Minahasa កាលពីថ្ងៃអាទិត្យទី ៧សីហា
នាវេលាម៉ោង ៩៖៣០នាទីព្រឹក។ តែវាបានងាប់ទៅហើយ
តែងាប់មិនទាន់យូរទេ”។
មន្ត្រីដដែលបន្ថែមថា
គាត់កំពុងរក្សាទុកវាក្នុងប្រអប់ដាក់ទឹកកកនៅផ្ទះ ហើយសង្ឃឹមថា
អាជ្ញាធរពាក់ព័ន្ធនឹងចុះមកត្រួតពិនិត្យ។ ពេលឃើញដំបូង
ភ្នែកវាពណ៌ស្វាយគួរឲ្យចម្លែក
ហើយគាត់ព្យាយាមស្វែងរកឯកសារយោងនានាលើអ៊ីនធឺណិត ព្រោះចង់ដឹងវាប្រភេទត្រីអ្វី
តែរកពុំឃើញ ប្រហែលវាជាត្រីកម្រ។
ត្រីខ្លួនគ្រើមខាងលើ
មានប្រវែង ៦០សង់ទីម៉ែត្រ ស្បែកពណ៌ត្នោតខ្លាំង។ កន្ទុយ និងព្រុយ
ពិតជាដូចនឹងត្រីឆ្លាម តែច្រមុះ និងភ្នែកខុសពីគេ។ ក្នុងសាររបស់មន្ត្រីរូបនេះ
បានសរសេរលើគណនី Facebook ថា ” ត្រីឆ្លាមនេះបានផុតពូជជាង
៣០០លានឆ្នាំហើយ”។
ដែនទឹក North Sulawesi ធ្លាប់ត្រូវបានគេស្គាល់ថា
ជាសំបុកត្រីបុរាណៗរស់នៅ និងធ្លាប់ត្រូវគេប្រទះឃើញសត្វប្លែកៗជាច្រើនផងដែរ៕
ប្រភពពី៖ news.sabay.com.kh
